Меган Маркл алгачкы ирет кош бойлуу кезинде өз жанын кыюуну ойлогонун айтты

Дүйнө жүзү ханзаада Гарри жана герцогиня Меган Марклдын маегин талкуулап жатат. Алар менен белгилүү теле алып баруучу Опра Уинфри 2 саат бою баарлашып, көптөгөн эксклюзивдүү, ал тургай чагымчыл маалыматтарды алган. Бул тууралуу дүйнөлүк ЖМКлар жазып чыгышты.

Маалыматта айтылгандай, Меган Маркл падышалык үй-бүлөнү айыптап, аларды расисттер деди. Падышалык Мегандын кош бойлуу экендигин билгенден кийин, баланын териси кандай түстө болот деп гана ойлонушкан. Алар балага падыша титулун бергиси келбегендигин да тастыктады.
⠀
Ушундай көйгөйлөрдөн улам 2016-жылы Меган өз жанын кыюуну каалаган. Бирок падышанын үй-бүлөсү жардам берүүдөн баш тарткан.

Ханзаада Гарри атасы Чарльз аны менен сүйлөшпөй койгонун жана чалууларга жооп бербей жатканын тастыктады. Бирок ал ханыша Елизавета II менен жылуу мамилесин улантууда.
⠀
Ошондой эле жубайлар экинчи наристесин күтүп жатышат. Ымыркай кыз экенин да кошумчалашты.

Эске салсак, алар 2020-жылы 31-мартта расмий түрдө падышалык үй-бүлөнүн ыйгарым укуктарын өткөрүп берип, каржылык көз карандысыздык жарыялашкан.