"Карысы бардын ырысы бар". Мэрия калаанын эң улуу жашоочуларын куттуктады

Бишкек шаардык мэриясы калаанын 100 жаштагы Эрмек Аргимаева жана 102 жаштагы Сокен Усенова аттуу тургундарын туулган күндөрү менен куттукташты. Бул тууралуу муниципалитеттен билдиришти.

Билдирүүгө ылайык, 100 жана 102 жаштагы апаларды эки райондун акимдери кызуу куттуктап, белектерин тапшырышты.

"100 жаштагы Эрмек Аргимаевага Октябрь районунун акими Данияр Арпачиев азык-түлүк жана 5 миң сом өлчөмүндө акчалай жардам көрсөттү. Ал эми 102 жаштагы Сокен Усенованы Биринчи Май районунун акими Максат Нусувалиев туулган күнү менен куттуктап, белектерди тапшырды", - деп жазылат маалыматта.