Бишкекте иштебеген батарейкаларды кабыл алуу пункттары ачылды

Иштөөдөн чыгып калган батарейкалар жер астындагы сууларды оор металлдар менен булгайт. Ошондой эле айлана-чөйрөгө сымап, кадмий, коргошун жана оор металлдардын туздарын бөлүп чыгарып, нерв ооруларынан залалдуу шишик дартына чейинки көптөгөн ооруларды чакырат.

Бишкекте мындай кооптуу таштандыларды талаптагыдай жок кылуу иштери башталды. Бул тууралуу "Тазалык" ишканасынын басма сөз катчысы Жибек Каракеева тарабынан белгилүү болду.

"Иштебей калган батарейкаларды кабыл алуу пункттары шаар боюнча ачык. Мындан ары жараксыз болуп калган батарейкалар Горький менен Жукеев Пудовкин көчөлөрүнүн кесилишиндеги, Жибек Жолу менен Эркиндик көчөлөрүнүн кесилишинде, Сухэ Батор көчөсүндө (Фрунзе дүкөнүнүн жанында) жана 7-Апрель менен Ахунбаев көчөлөрүнүн кесилишиндеги "Бишкек Петролиум" май куюучу жайларында кабыл алынат", - деди Каракеева.

.