Жалал-Абад шаарынын көчөлөрүнүн бирине УКМКнын төрагасы Камчыбек Ташиевдин агасынын атын берүү сунушталды
Жалал-Абад шаарынын борбордук көчөлөрүнүн бирине УКМКнын төрагасы Камчыбек Ташиевдин бир тууганы Каныбек Ташиевдин ысымын берүү сунушталды. Бул тууралуу Жалал-Абад шаардык мэриясынын басма сөз кызматынан билдиришти.
Маалыматка ылайык, бүгүн, 10-мартта Жалал-Абад шаардык кеңешинин депутаттарынын сессиясы өтүп, анда шаардын көчөлөрүнүн аталыштарын өзгөртүү маселеси каралган.
Жыйында депутаттар Ташиевдин туугандары жана шаар тургундары Пушкиндин ысымын алып жүргөн борбордук көчөгө Каныбек Ташиевдин атын берүүнү сунушташканын айтышкан.
"Депутаттык комиссия бул сунушту кабыл албай, көчөнүн аты өзгөртүлбөй турган болду. Кийинчерээк дагы каралышы мүмкүн", - деп айтылат маалыматта.
Эске салсак, Каныбек Ташиев Кыдыршаевич 2020-жылы 21-июлда 57 жаш курагында көз жумган.









1 |