Суу даярдап алыңыз. Эртең Бишкектин кээ бир аймактарында суу токтотулат

Эртең, 11-мартта Бишкек шаарынын кээ бир жерлеринде оңдоо иштерине байланыштуу убактылуу суу токтотулат. Бул тууралуу Бишкек шаардык мэриянын басма сөз кызматынан билдиришти.

Ага ылайык, саат 09:00дөн кечки саат 6:00гө чейин шаардын Абакан, Белгородск, Кустанай, Тирасполь көчөлөрүнө жана Архангельский кууш көчөсүнө ичүүчү суу берилбейт.

"Оңдоо иштерине байланыштуу "Бишкек жылуулук энерго" ишканасы 11-мартта аталган аймактарга ысык суу менен жылуулук берүүнү убактылуу токтотушу ыктымал. Ал эми 12-мартта саат 10:00дөн тарта Тимур Фрунзе, Гагарин жана Кахов көчөлөрү (Дыйканчылык институтунун аймагы) менен чектешкен аймакта суу жок болот", - деп жазылат маалыматта.

Суу берүү убактылуу токтотула турган мекемелердин тизмеси:

1) "Бишкек жылуулук энерго" ишканасы;

2) "Бишкек мультсервис" ишканасы;

3) №137 "Счастливая страна" балдар бакчасы;

4) "Нургаз" ЖЧКсы;

5) Дарыгер Бекбоевдин медициналык борбору;

6) Васипов ишканасы (наавайкана);

7) №31 Астраханск балдарды коргоо борбору;

8) №42 мектеп;

9) "Шинкар" дүкөнү;

10) "ГМК Корунд" ЖЧКсы;

11) "Салтанат" кафеси;

12) "Санжыра" чайханасы;

13) "Меридиан" банкет залы;

14) №43 почта байланыш бөлүмү;

15) "Мастер Комп" компьютердик клубу;

16) "Роза" сулуулук салону;

17) "Гранд Плюс" дүкөнү;

18) "Окно Роста" ЖЧКсы;

19) "Азия радуга" кондитердик цехи.