"Ала-Тоо" аянтында "Бизге тротуар керек" аталышындагы акция болуп өттү

Бишкектин "Ала-Тоо" аянтында "Жаз. Бизге тротуар керек" аталышында акция болду. Бул тууралуу активист Гуля Алмамбетовага байланышканыбызда, төмөндөгүлөрдү билдирди.

"Аянттагы акцияга 50гө чукул адам катышты. Бишкек шаарынын бардык жөө адамдар басуучу тротуарларды оңдоо талабын көтөрүп чыктык. Буга чейин бул иштер башталган, бирок мурдагы мэр Азиз Суракматов аягына чыкпай калбадыбы.

Азыркы учурда коронавирус пандемиясынан кийин дарыгерлер жөө баскыла деп сунуштарын айтып жатышат. Эл жөө басайын деп жатышат, бирок жолдор кууш, кооптуу жерлер бар, тротуарлар талкаланган. Ушул боюнча программа жок да, мэрияда мен иштеп турганда ишти баштадык эле, бирок аягына чыкпай калганбыз. Шаар тургундары жөө жүрсө ден соолугуна пайдалуу болмок", - деди Гуля Алмамбетова.