Нарын шаарында "селсаяк" аталыштагы иш-чарада 5 кылмыш ишинин бети ачылды

Нарын облусунун аймагында селсаяктардын жана туруктуу баш калкалоочу жайы жок адамдардын суукта көчөдө тоңуп өлүп калууларын алдын алуу максатында "Селсаяк" аталышындагы ыкчам профилактикалык иш-чара өткөрүлдү. Бул тууралуу облустук милициядан билдиришти.

Иш-чаранын жүрүшүндө жалпы 5 кылмыштын бети ачылып азыркы учурда тергөө иштери жүргүзүлүп жатат.

Мындан тышкары Нарын облусунун шаар, райондук ички иштер бөлүмүнүн алдын алуу каттоосунда турган жарандар текшерүүгө алынды.

Жер-жерлерде соода-сатык түйүндөрү, менчик мейманканалар жана конок үйлөрү, жылуулук түйүндөрү, көп кабаттуу үйлөрдүн чатырлары, жер төлөлөр жана башкалар милиция кызматкерлери тарабынан текшерилди.

Облус аймагында эч кандай кароосуз калган жарандар аныкталган жок.