БШК референдумду даярдоо жана чет өлкөлөрдө өткөрүү маселелерин талкуулады

Борбордук шайлоо комиссиясы референдумду даярдоо жана чет өлкөлөрдө өткөрүү маселелерин талкуулады. Бул тууралуу аталган комиссиянын басма сөз кызматынан билдиришти.

Жолугушуунун күн тартибине чет өлкөлөрдөгү референдум участокторун түзүү, чет өлкөлөрдөгү референдумдун катышуучуларынын тизмесинин толуктугун жана ишенимдүүлүгүн камсыз кылуу боюнча маселе каралды.

Ошондой эле керектүү шаймандарды, документтерди жана жеке коргонуу каражаттарын жеткирүү кирди. Буга байланыштуу Тышкы иштер министрлиги айрым мамлекеттердеги эпидемиологиялык кырдаалды жана мамлекеттик органдарынын реформасын эске алуу менен өз убагында сунуштарды киргизиши керек.