Нарын. Нарын шаарындагы "Кадам" майыптар үйү мэриядан кеңсе маселесин чечип берүүнү өтүнөт

10 жылдан бери Нарын шаарында “Кадам” аттуу майыптар үйү иш алып барып келет. Бул жерде мүмкүнчүлүгү чектелген балдар билим алышып, ар кандай акыл туюмдарын өнүктүрө алышат. Ата-энелер дагы бул уюмга ыраазычылыктарын билдиришип, майып балдардын дүйнө таанымдарын өстүрүүгө аракеттерин жумшап келишет. Учурда бул уюмда эң башкы көйгөй - кеңсе маселеси. Алар балдарды шаардын Московский аймагындагы “Алтын балалык” балдар бакчасынын бир жак башынан 2 бөлмөлүү орунга келишим түзүп киргизишкен. 2014-жылы бул келишим бүтөт, бирок ага чейин эле бала бакчага кирген балдардын саны көбөйүп, келишимди узартууга болбой тургандыгын айтышууда. Шаардык мэриядан жардамдарды сурап, жылуу бөлмө карап берүүлөрүн өтүнүшүүдө.