Садыр Жапаров Таласта митингге чыккандар менен жолукту

Президент Садыр Жапаров Таласта "Жер-Үйдүн" алдына митингге чыккандар менен жолукту. Бул тууралуу митингдин катышуучулары билдиришти.

Митингдин катышуучуларынын бири Азамат Каработоев акция саат 10:00дө башталганын белгиледи. "Ошол убакта укук коргоо органдарынын кызматкерлери митингге чыккандарды таркатуу аракетин көрдү. Суукка карабай, саат 15:30га чейин Садыр Жапаровду күтүп турушту. Акыр аягы президентке жолугушуп, митингге чыккандардын талаптарын укту", - деди ал.

Митингдин дагы бир катышуучусу Сагынбек Момбеков элди таркатууга аракет болсо дагы тарап кетишпегенин айтты. "Президент келгенде мени аксакал деп мага сөз беришти. Талас ата-бабалардан калган ыйык жер деп айттым. Жалгыз инвесторлор үчүн садага чабылып кетебизби деген пикиримди билдирдим", - дейт Сагынбек Момбеков.