Владимир Путин Талас алтын комбинатын ишке киргизүү аземине видеоконференция форматында катышты

Орусиянын президенти Владимир Путин Таластагы Жер-Үй кениндеги Талас алтын комбинатын ишке киргизүү аземине видеоконференция форматында катышты. Анда президент Садыр Жапаров аталган алтын комбинаты Кыргыз өлкөсү үчүн маанилүү роль ойноорун баса белгилеп өттү.

"Биз ар дайым кыргыз рыногуна Орусиянын инвесторлору келгенине кубанабыз. Учурда Жер-Үй эң ири инвестициялык объектердин бири. Биздин бирге ишке ашырып жаткан долбоорубуз Кыргыз өлкөсүнүн экономикасына чоң салым кошот деп ойлойм", - деди президент Садыр Жапаров.

"Жер-Үй кениндеги Талас алтын комбинатынын ишке кириши Кыргыз өлкөсү-Орусиянын экономикалык байланыштарында, ошондой эле эки өлкөнүн башка алакаларында маанилүү ролду ойнойт. Биргеликте ишке ашырып жаткан долбоорубуз ийгиликтүү ишке кирди", - деди видеоконференция учурунда Владимир Путин.

Жер-Үй алтын кени – Талас районундагы Кара-Ой кыштагынан 26 чакырым аралыкта, Талас кырка тоосунун Түндүк капталында, деңиз деңгээлинен 3205-3710 метр бийиктикте жайгашкан. 1974–1984-жылдары геологиялык чалгындоо иштери жүргүзүлүп, кору бекитилген.