Коңшу өлкөлөрдүн лидерлери Садыр Жапаровду жана кыргыз элин Нооруз майрамы менен куттукташты

Коңшу өлкөлөрдүн лидерлери президент Садыр Жапаровду жана кыргыз элин Нооруз майрамы менен куттукташты. Бул тууралуу президенттик аппараттын маалымат кызматынан билдиришти. Алар:

Казакстанды туңгуч президенти Нурсултан Назарбаев, учурдагы президенти Касым-Жомарт Токаев, Өзбекстандын президенти Шавкат Мирзийоев, Тажикстандын президенти Эмомали Рахмон, Түркмөнстандын президенти Гурбангулы Бердымухамедов, Ирандын президенти Хасан Рухани, Сауд Арабия Королдугунун королу Салман бин Абдулазиз Аль Сауд Садыр Жапаровго жана анын жакындарына ден соолук, бакубат жашоо, ал эми кыргыз элине тынчтыкты, бакубатчылыкты жана гүлдөп-өсүүнү каалашты.

Мындан тышкары Шанхай кызматташтык уюмунун башкы катчысы Владимир Норов, Евразия экономикалык комиссиясынын (ЕЭК) коллегиясынын төрагасы Михаил Мясникович, Жамааттык коопсуздук келишими уюмунун (ЖККУ) башкы катчысы Станислав Зась, Түрк тилдүү мамлекеттердин кызматташтык кеңешинин башкы катчысы Багдад Амреев дагы куттуктоо жөнөтүштү.