Дүйнөлүк спорт: Футбол боюнча 2014-жылы Бразилияда өтүүчү Дүйнө чемпиондугу Криштиану Роналдусуз өтүп калышы мүмкүн

Футбол боюнча 2014-жылы Бразилияда өтүүчү Дүйнө чемпиондугуна тандап алуу оюндары жыйынтыкталар астында турат. Азырынча Европа өлкөлөрүнөн Бразилияга “А” тайпасынан Бельгия, “В” тайпасынан Италия, “С” тайпасынан Германия, “D” тайпасынан Голландия жана “Е” тайпасынан Щвейцария курама командалары катышары анык болду. Ал эми “F” тайпасында Орусиянын Бразилияга баруу мүмкүнчүлүгү өтө зор болуп турат. Бул деген Орусия менен бир тайпада ойногон Криштиану Роналду баш болгон Португалия курама командасынын мелдешке катышары тандап алуу оюндарынан кийин дагы бир команда менен беттешкенден кийин аныкталат. Ошондой эле “G” тайпасында Босниянын, “H” тайпасында Англиянын жана “I” тайпасында Испаниянын мелдешке катышуу мүмкүнчүлүгү чоң. Бардык тайпаларда акыркы оюндар 15-октябрь күнү өтөт.