Өлкөдө мектеп окуучуларынын республикалык олимпиадасынын үчүнчү этабы башталды

Бүгүн, 24-мартта мектеп окуучуларынын республикалык олимпиадасынын үчүнчү этабы башталды. Бул тууралуу Билим берүү жана илим министрлигинин басма сөз кызматынан билдиришти.

Билдирүүгө ылайык, олимпиада Бишкек, Ош шаарларында, облустун борборлорунда өтүп жатат. Ага жалпысынан экинчи этапта 1-2-орундарды алган 1 988 мектеп окуучусу катышууда.

"Олимпиадалык тапшырмаларды Билим берүү жана илим министрлигинин алдындагы Билим берүүнүн сапатын баалоо жана маалыматтык технологиялар улуттук борбору иштеп чыккан. Олимпиада өтчү жерлерге атайын окутулган лидерлер жана администраторлор барышкан.

Олимпиаданы уюштурууга жоопкерчилик Бишкек, Ош шаарларынын билим берүү башкармалыктарына, ошондой эле облустук билим берүү институттарына жана методикалык борборлорго жүктөлгөн", - деп жазылат мекеменин маалыматында.