Бишкек мэриясы шаар тургундарын алдамчылардан сак болуу керектигин эскертет

Бишкек мэриясы шаар тургундарына алдамчылардан сак болуу керектигин эскертет. Бул тууралуу мэриядан билдиришти.

Маалыматка ылайык, шаар тургундары менен мектеп директорлорунун социалдык тармактагы баракчаларына муниципалитеттин жетекчилери делген адамдардан акча которууну суранган (техника алуу, гуманитардык жардам көрсөтүү боюнча) каттар түшкөн учурлар болгон.

"Урматтуу Кыргыз өлкөсүнүн жарандары! Бишкек мэриясы мындай жол менен эч качан каражат топтобойт. Муниципалитеттин бир дагы өкүлү мындай каттарды жолдобойт. Мындай маалыматтар келип түшсө, расмий булактардан тактоо керек. Алдамчылык фактысы катталган учурда милицияга же Бишкек мэриясынын коррупция менен күрөшүү секторуна байланышыңыздар. Байланыш телефону: 0(312) 610 775", - деп жазылат маалыматта.