ЖЭБ-2 аймагынын жашоочулары президенттин кабыл алуусун талап кылышууда

Эски аянтта ЖЭБ-2 аймагынын жашоочулары өткөрүп жактан митингге өкмөттүн аппаратынын өнөр жай, энергетика жана тоо-кен тармагы боюнча бөлүм башчысы Сүйүнтбек Аликеев чыкты. Бөлүм башчы митингчилерге "талабыңарды карап көрөбүз, аны сот чечет" деп айткан. Бирок митингчилер аны уккан жок.

Митингдин катышуучуларынын бири "Азыр 5 адамдан турган комиссия түзүлүп, президенттин кабыл алуусун күтүп жатабыз. Эгер дагы башка бирөө чыга турган болсо, каршыбыз. Президенттин өзү менен жолугушубуз керек", - деди.

Бүгүн, 25-мартта Бишкек шаарынын түштүк-чыгыш тарабындагы ЖЭБ-2 аймагынын тургундары өкмөт үйүнүн жанында митингге чыгышкан. Анда премьер-министр Улукбек Мариповдун аймактагы 400 үйдү көчүрүү боюнча билдирүүсүнө нааразы болгон эл алар жашаган жер тилкелерин мыйзамдаштырууну талап кылышууда.