Өлкөдө бир жыл ичинде ундун чекене баасы 13,2 пайызга жогорулады

Өлкөдө ушул жылдын 25-мартына карата жогорку сорттогу буудай унуна болгон баа 48 сом 45 тыйынды түзүп, өткөн жылдын ушул датасына салыштырмалуу 13,2 пайызга жогорулаган. Бул тууралуу Улуттук статистика комитетинен билдиришти.

Маалыматка ылайык, жогорку сорттогу ундун чекене баалары Ош шаарында килограммы үчүн 61 сом 11 тыйын, Ноокатта 56 сом 82 тыйын, Балыкчы шаарында 55 сом 54 тыйын, Кербен 40 сом 10 тыйын, Өзгөн 42 сом 99 тыйын жана Чаек айылында 43 сомду түзгөн.

Былтыркы жылдын ушул мезгилине салыштырмалуу жогорку сорттогу ундун баасынын эң чоң өсүшү Покровка айылдарында - 1,4 эсе, Чаек - 1,2 эсе, Жала-Абад шаарында - 16,4 пайызга, Токтогул шаарында - 8,9 пайызга жогорулаган. Биринчи сорттогу ун үчүн Чаек айылында - 24,1 пайыз, Балыкчы шаарларында - 18,4 пайыз жана Исфана шаарында - 15,2 пайызга өскөнү катталды.