SUPER.KG буга чейин жардам сурап кайрылган каарманынан кабар алды

Буга чейин төрт баланын энеси Айнура Дооткулова SUPER.KG порталына жардам сурап кайрылган. Былтыркы жылдын 21-сентябрында үч кыздан кийин төртүнчү баласын төрөп жатканда кан басымы көтөрүлүп эс-учун жоготкон. Ошол учурда баланын башы кысылып калган. Эне-бала башында 1 ай жандандыруу бөлүмүндө жатып, баласы Раянга эпилепция ДЦП диагнозу коюлган. Бул диагнозго чалынгандарды Кыргыз өлкөсүнүн медицинасы дарылай албаганына байланыштуу Индияда операция жасатууга мажбур эле. Бирок жалгыз бой эненин каражаты жетпей жатканын айтып, кайрымдуу элден жардам сураган. Андан бери арадан 1 ай өттү. "Раяндын ден соолугунда кандай өзгөрүү болду? Каражат чогулдубу?" деген суроо менен байланыштык.

"Жашоом бир кара түтүнгө айлангансып калды. Жалгызмын, төрт баламдын келечеги эмне болот деген ой мени жашатып турат. Сиздерге рахмат, тартып кеткен репортажды көрүп кийим, памперс жана 10 миң сомдой акчалай жардам түштү. Уулумдун эпилепциясы кармап турат. Бир кармаганда оор абалда жандандыруу бөлүмүндө дагы 20 күн жатты. "Баламдан айрылып каламбы" деп корктум. Жараткан кайра мээримдүүлүгүн көрсөтуп бизге дагы бир мүмкүнчүлүк бергендей болду. Каражат толугу менен чогулуп эртерээк Раянымды дарылатып алууга элимден дагы жардам сурайм. Күн санап оору оорлошуп эле баратат. Буга чейин айтылгандай эле уулумдун мээси кургап, жакында дагы бир диагноз кошушту, мээсинде киста пайда болуптур. Жалпылап айтканда, 14 миң доллар каражат керектелет. Ата-энем өзү мүмкүнчүлүгү чектелген адамдар, туугандарым деле орто жашашат. Мындайча айтканда, кыргыз элимден башка үмүттөнгөн адамым жок", - деди ал.

Жардам берүүнү каалагандар үчүн:

Optima Bank 4169585348307843