Ырчынын өмүрүн алган жол кырсыгы. Учурда Аскер госпиталында 10 адам дарыланууда

Бишкектеги Аскер госпиталында Ош-Бишкек унаа жолунда куралдуу күчтөрүнүн унаасы оодарылып кеткен кырсыктан жабыркаган он адам дарыланууда. Бул тууралуу аталган госпиталга байланышканыбызда маалым болду.

"Учурда биздин госпиталда 10 адам дарыланууда. Алардын ичинен экөөнү туугандары шаарга алып кеткени жатышат. Баарынын абалы туруктуу", - деп билдиришти аталган госпиталдан.

Буга чейин Бишкек-Ош унаа жолунда унаа оодарылып кетип, Куралдуу күчтөрдүн катарында кызмат өтөп жаткан жоокер каза болгону кабарланган.

Кийинчерек бул жол кырсыгынан Куралдуу күчтөрдүн оркестринде ырдап жүргөн аял каза болгондугу маалым болду. SUPER.KG порталына жол кырсыгынан каза болгон ырчы айым Нурзат Ажыгожоеванын жакын санаалаштары маркумдун артында 3 баласы жана жолдошу калганын билдиришкен.