Жалал-Абадда 29 жаштагы кыз 2012-жылдан бери дайынсыз болууда

Жалал-Абад облусунда 29 жаштагы кыз 2012-жылдан бери дайынсыз болуп изделүүдө. Бул тууралуу облустук милициядан билдиришти.

Маалыматка ылайык, 2012-жылдын 13-апрель күнү саат 21:00 чамасында Майлуу-Суу шаарынын тургуну, 1992-жылы туулган Алина Турганбаева өзү жашаган даректен чыгып кеткен боюнча дайынсыз жоголгон.

Ушул күнгө чейин анын жүргөн жерин аныктоого мүмкүнчүлүк болбой жаткандыгына байланыштуу туугандары жана милиция аны табууга коомчулуктан жардам сурайт.

Өзгөчө белгилери: Бою 160-165 сантиметр, чачы кыска кара түстө, ак жүздүү, дене түзүлүшү арык чырай.

Милиция дайынсыз болуп жаткан Алина Турганбаева тууралуу кандайдыр бир маалымат болсо, төмөнкү номерлерге кабарлап коюуңуздарды суранат: 102, 03744 (5-06-33), 0755-66-62-88, 0771-04-00-96.