Депутат Рыспаев эмгекчилердин укугун коргой турган кесиптик бирликте ички жаңжал курчуп кеткенин айтты

Депутат Кожобек Рыспаев эмгекчилердин укугун коргой турган кесиптик бирликте ички жаңжал курчуп кеткенин айтты. Бул тууралуу ал Жогорку Кеңештин жыйынында билдирди.

"Өздөрүнө тиешелүү ири мекемелерди сатып жиберишкен. Көпчүлүгүн мыйзамсыз менчиктештиришкен. Ал тургай бирликтин жетекчилери өздөрүнө ири көлөмдөгү айлык акы коюп алышкан. Элден чогулган акчанын отчётун беришпейт. Андыктан аларды өз багытында, мыйзам чегинде, ачык айкын иштөөсүн камсыздашыбыз керек", - деди ал.

Ал эми депутат Дастан Бекешев мамлекет тарабынан эмгекчилерди дарылоо үчүн атайын фонддун берилишине каршы экенин белгиледи. "Бирлик ансыз да элдин акчасын алат. Андан көрө мамлекет ден соолугунун мүмкүнчүлүгү чектелген балдарга каражат бөлсүн", - деди Бекешев.

Жогорку Кеңештин жыйынында “Кесиптик бирликтер жөнүндөгү” мыйзамдын долбоору үчүнчү окууда каралды.