Нооруз майрамында үйүнөн чыгып кеткен. Жалал-Абадда 31 жаштагы тургун изделүүдө

Жалал-Абад облусунун Сузак районунда 1990-жылы туулган тургун 21-марттан бери дайынсыз болуп изделүүдө. Бул тууралуу облустук милициянын маалымат кызматынан билдиришти.

Маалыматка ылайык, 21-март күнү саат 16:00 чамасында Сузак районунун Ырыс айыл аймагынын Жар-Кыштак айылынын тургуну 1990-жылы туулган Барнохан Махмутжан кызы өзү жашаган үйүнөн чыгып кеткен бойдон дайынсыз болууда.

Учурда анын жүргөн жерин аныктоого мүмкүнчүлүк болбой жаткандыгына байланыштуу туугандары жана милиция аны табууга коомчулуктан жардам сурайт.

Белгилери: Бою 165-170 сантиметр, кара тору, кашы, көзү, чачы кара, 2-топтогу майып.

Кийген кийимдери: Көк түстөгү узун халат, кара шым, бутунда көлөч болгон.

Милиция дайынсыз болуп жаткан жаран тууралуу кандайдыр бир маалымат болсо, төмөнкү номерлерге кабарлап коюуну суранат.

Байланыш телефону: 102, 03748 5 02 09, 0773 07 77 77, 0558 84 48 50.