Төө-Ашуу жана Ала-Бел ашууларында унаалардын коопсуз өтүшү камсыздалууда

31-марттан 1-апрелге чейин Бишкек-Ош унаа жолундагы Төө-Ашуу жана Ала-Бел ашууларында кар жаап жатат. №9 жана 23 Жол кыймылынын коопсуздугун камсыздоо бөлүмү тарабынан инерттик материалдарды чачуу үчүн бардык керектүү чаралар көрүлүүдө. Бул тууралуу Транспорт жана жол министрлигинин басма сөз кызматынан билдиришти.

Маалыматка ылайык, учурда жогоруда аталган ашуу тилкелериндеги унаа жолду тазалоо жана кеңейтүү үчүн бардык керектүү шаймандар тартылып, Төө-Ашуу жана Ала-Бел ашуулары аркылуу унаалардын коопсуз өтүүсүн камсыздоо үчүн инерттик материалдар чачылууда.

"Айдоочуларды кар чынжырларын алып, каршы тилкеге ​​чыгып кетпөөгө (тыгын пайда болгон учурда) жана тайгалакка каршы инерттик материалдарды чачуу үчүн иштелип чыккан атайын шаймандардын тыгынына жол бербөөгө чакырабыз. Жайкы дөңгөлөктөр менен ашууга барбаңыз, анткени ашууларда кар жаап, муз пайда болушу мүмкүн.

Ушул чаралардын бардыгы айдоочуларга жасалма тыгындарды жаратуудан жана кар күрткүсүндө ашууларда бир нече саат бою тыгындан сактайт.

Учурда Төө-Ашуу, Ала-Бел, Көк-Бел ашуусунда бардык керектүү шаймандар даярдалып, жумушчулар тартылган. Бардык өткөөлдөрдө жана автоунаа жолдорунда жол кызматкерлери кадимки режимде иштешет жана жол кыймылынын бардык катышуучулары үчүн коопсуз өтүүнү камсыз кылышат.

Өтмөктөргө чыгууда кар көчкү түшүп калбашы үчүн, ошондой эле таш кулаган аймактарда жаан-чачын катуу болгондуктан унаалардын ортосунда 500 метр аралыкты сактоону суранабыз", - деп айтылат билдирүүдө.