"Алдыңкы окуучу болгон". Аксыда 7-класстын окуучусу төрөдү

Аксы районуна караштуу Кара-Суу айыл аймагында 7-класстын окуучусу төрөдү. Бул маалыматты Аксы райондук билим берүү бөлүмүнүн башчысы Талант Эмилбек уулу тастыктады.

"Окуучу кыз таңкы саат 04:00дө ооруканага келип төрөгөн. Ал мектебиндеги эң алдыңкы окуучулардын бири болгон. Буга чейин сабактарга калбай келип, ар кандай маданий иш-чараларга катышып жүргөн. Бул боюнча азыр тиешелүү органдар териштирүү иштерин жүргүзүп жатат", - дейт Эмилбек уулу.

Ошондой эле аталган айылдын айыл өкмөтү Дөөлөт Миңбаев дагы маалыматты ырастады.

"Райондук оорукананын төрөт бөлүмүндө көз жарыптыр. Кыздын атасы намаз окуган, ыймандуу киши. Бул үй-бүлөнүн буга чейин эч кандай ызы-чуусун уккан эмеспиз. Толук кандуу үй-бүлө десек болот. Дагы маалыматтар такталууда", - дейт Миңбаев.