Бокс: Бүгүн Дүйнө чемпиондугунда 3 кыргызстандык мушкер рингге чыгат

Бүгүн, 16-октябрь күнү бокс боюнча Алматыда өтүп жаткан Дүйнө чемпиондугунун 3-күнүндө 49, 69 жана 81 килограмм салмактагы боксчулар ринг үстүнө чыгат. Кыргызстандан Турат Осмонов (49 кг), Эркинбек Болотбек уулу (69 кг) жана Александр Панарин (81 кг) биринчи беттештерин өткөрөт. Турат Осмонов саат 14:00дө "А" рингине 3-болуп чыгып, италиялык Мануэль Каппай аттуу мушкер менен беттешет. Ал эми Эркинбек Болотбек уулу ошол эле рингге 5-болуп чыгып, Рабл Мухаммед менен күч сынашса, дагы бир кыргызстандык мушкер Александр Панарин (81 кг) ошол эле убакта "В" рингине 10-болуп чыгып, түркмөнстандык Арсланбек Ачилов менен беттешет.