Башкы прокуратура: "Ысык-Көлдө 31 миллион сомдук жер тилке мамлекеттин менчигине кайтарылды"

Ысык-Көл районунда 31 миллион сомдук жер тилкеси мамлекеттин менчигине кайтарылды. Бул тууралуу Башкы прокуратуранын маалымат кызматынан билдиришти.

Маалыматка караганда, Ысык-Көл райондук прокуратурасы тарабынан Ысык-Көлдүн курорттук-рекреациялык аймагында жайгашкан 2 гектар жер тилке мамлекеттин менчигине кайтарылды.

"Текшерүүдө, жер мыйзамдарынын талаптарын бузуу менен Ысык-Көл райондук сотунун чечиминин негизинде Ысык-Көл райондук жерге жайгаштыруу жана кыймылсыз мүлккө укуктарды каттоо боюнча башкармалыгы тарабынан 2014-жылы Бает айылында жайгашкан 2 гектар жер тилкеси 49 жылдык мөөнөткө жаранга убактылуу пайдалануу үчүн мамлекеттик акты берилгендиги аныкталган.

2020-жылы райондук прокуратура тарабынан аталган соттун чечимине карата апелляциялык сунуш келтирилип, ал толук көлөмдө канааттандырылган. 2021-жылы орун алган мыйзам бузууну 31 миллион сомго бааланган жогорудагы жер тилкени мамлекеттин менчигине кайтаруу менен жоюп, жерди баштапкы абалына келтирүү максатында Ысык-Көл райондук мамлекеттик администрациясына прокурордук талап келтирилген", - деп жазылат билдирүүдө.

Жогоруда аталган жер тилкеси толугу менен мамлекетке кайтарылып, белгиленген тартипте мурунку менчик ээсинин пайдалануу укугу токтотулганын кошумчалашты.