Хабиб Нурмагомедовго жылдын мыкты машыктыруучусу наамы берилери божомолдонууда

Бразилиялык аралаш стилдеги мушкер (ММА) Кристин Жустину орусиялык мушкер Хабиб Нурмагомедов менен түшкөн сүрөтүн жарыялап Нурмагомедовго 2021-жылдын мыкты машыктыруучусу наамы берилерин божомолдоду. Бул тууралуу чет элдик басылмалар жазышты.

Маалыматка ылайык, спортчулар Bellator 225 турниринин көшөгөсү артында жолугушуп калышкан. Ал жакка 32 жаштагы Хабиб Майк Хэмелди жеңип алган аталаш тууганы Усман Нурмагомедовду колдоп барган.

Буга чейин UFC спорттук уюму орусиялык мушкер Хабиб Нурмагомедовду бардык рейтингдеринен четтеткени маалым болгон. Ошондой эле спортчу карьерасын токтотуу чечимин кабыл алуу ага кыйын болгонун моюнга алды, бирок ал муну энеси үчүн жасаганын айткан.