Көпчүлүк аймактарда күн ачык болот. 7-апрелге карата аба ырайы

Эртең, 7-апрелде өлкөнүн көпчүлүк аймактарында жаан-чачын жаабайт. Бул тууралуу Кыргызгидрометтен билдиришти.

Нарын, Ысык-Көл облустарында жаан жаап, карга айланышы мүмкүн. Түштүк-чыгыш тараптан келген шамалдын ылдамдыгы секундасына 5-10 метрге, кээ бир райондордо 15-20 метрге жетет.

Абанын температурасы:

Чүй облусунда түнкүсүн +2 … +7, күндүз +15 … +20;

Талас жергесинде түнкүсүн 0 … +5, күндүз +14 … +19;

Ош, Баткен, Жалал-Абад облустарында түнкүсүн +4 … +9 , күндүз +16 … +21;

Ысык-Көл облусунда түнкүсүн -1 … 4, күндүз +5 … +10;

Нарында түнкүсүн -1 … -3, күндүз +8 … +10;

Бийик тоолуу аймактарда түнкүсүн -11 … -16, күндүз -3 … -8 градус болот.

Бишкекте жаан-чачын жаабайт. Абанын температурасы түнкүсүн +4 … +6 , күндүз +17 … +19 градус жылуу болот.