Бишкек ШИИББи: "Айзаданы таба албаганыбызга бюрократия тоскоол болду"

Бишкек ШИИББинде ала качуудан каза болгон Айзада Канатбекованын өлүмү боюнча маалымат жыйын өтүүдө. Анда кылмыш ишинин бетин ачууда көп убакыт талап кылынары айтылды.

"Каза болгон кыздын апасынын арызы Кылмыштардын жана жоруктардын бирдиктүү реестрине катталган. Андан соң тергөөчү сурак жүргүзүп, керектүү документтерди даярдайт. Андан соң ал иш прокуратурага жөнөтүлөт. Кийин сотко өткөрүлөт. Мыйзам боюнча иш ушундай тартипте жүрөт. Мунун баары көп убакытты талап кылат. Мына ушундай бюрократия көп убакытты талап кылат", - деп билдиришти Бишкек ШИИББинен.

Белгилей кетсек, Бишкек шаарында эки күндөн бери дайынсыз болуп жаткан 27 жаштагы кыздын жансыз денеси кечээ, 7-апрель күнү табылган.

Ала качуунун курмандыгы болгон Айзада Канатбекованын окуясы тууралуу толук маалымат шилтеме аркылуу кирип окуй аласыз.