"Медицина кызматкерлеринин маянасын көтөрүүгө 1 миллиард 131 миллион сом талап кылынат" деди экономика жана каржы министри

Медицина кызматкерлеринин маянасын жогорулатуу боюнча брифинг өтүп жатат. Ага Саламаттыкты сактоо жана социалдык өнүктүрүү министрлигине караштуу милдеттүү медициналык камсыздандыруу фондунун жетекчисинин орун басары Клара Өскөмбаева жана экономика жана каржы министри Улукбек Кармышаков катышууда.

"1-апрелден баштап үй-бүлөлүк дарыгерлердин маянасы 100 пайызга көтөрүлдү, ал эми башкы медицина кызматкерлеринин айлык маянасы 1-июндан тарта 50 пайызга көтөрүлөт. Бул чыгымдар республикалык бюджеттин эсебинен каржыланат. Буга кошумча 1 миллиард 131 миллион сом каражат талап кылынат. Бул каражаттар Экономика жана финансы министрлиги тарабынан табылган. Республикалык бюджетке тийиштүү өзгөртүүлөр киргизилгенден кийин кошумча чыгашалар төлөнүп берилет. 1-апрелден баштап үй-бүлөлүк дарыгерлерге төлөнө турчу кошумча 630 миллион каражат быйылкы жылдын бюджетинен каралган", - деп билдирди Улукбек Кармышаков.