Баку шаарында Түрк тилдүү өлкөлөрдүн маалымат министрлеринин 4-отуруму өтүүдө

Азербайжан Республикасынын Баку шаарында Түрк кеңеши тарабынан уюштурулуп өтүп жаткан түрк тилдүү мамлекеттеринин маалымат министрлеринин 4-отуруму Баку шаарында өтүүдө. Бул тууралуу Маданият, маалымат, спорт жана жаштар саясаты министрлигинин маалымат кызматынан билдиришти.

Билдирүүгө ылайык, отурумга Маданият, маалымат, спорт жана жаштар саясаты министри Кайрат Иманалиев катышууда.

Министр отурумда сүйлөгөн сөзүндө Түрк кеңешинин аз убакыт ичинде жасаган артыкчылыктарын баса белгилеп түрк дүйнөсүнүн орток тилин, маданиятын, мурасын жайылтууда маалымат каражаттарынын ролу чоң экендигин белгиледи. Маалымат жаатында биргелешкен максаттарды ишке ашыруу жолдорун табууну сунуштады. Түрк тилдүү мамлекеттердин биргелешкен телеканалын ачуу, маалымат агенттиктеринин тажрыйба алмашуусу, телеканалдардын кызматташуусу, контент алмашуусу тууралуу маселелерди талкуулады.

Жыйынтыгында Кыргыз өлкөсү, Азербайжан, Казакстан, Өзбекстан, Түркия, Венгрия мамлекеттеринин маалымат министрлери, маалымат тармагынын жетекчилери 2021-2022-жылга иш-чаралардын планын кабыл алып бекитишти.