Бюджети 1 миллион доллар. Ырчы Айгерим Расул кызы тарыхый тасмада баатыр кыздын ролун жаратат

Ырчы Айгерим Расул кызы тарыхый тасмада башкы каармандын ролун жаратат. Тасманы тартуу иштери күз мезгилинде старт ала турганы ырчы тарабынан белгилүү болду.

"Жаңыл Мырза эпосунун тасмасында башкы каарман катары баатыр кыздын образын жаратып, тарыхый тасмада өзүмдү сынаганы турам. Албетте, негизи тарыхый тасмада тартылсам деп кыялданчуумун. Ошол себептен дагы толук кандуу актриса болуу үчүн Бүбүсара Бейшеналиева атында искусство университетинин кино жана театр актрисасы бөлүмүнө тапшырып актёрдук чеберчиликти ийгиликтүү аяктагам.

Тасма тартуу долбоору бир жылдан бери иштелип жатат, бул өтө чоң масштабдуу долбоор. Азыр даярдыктар активдүү жүрүүдө, Кудай буюрса, дүйнөлүк аренага чыга турган тасма болот деп ишенем. Бюджети 1 миллион доллар. Буюрса, тартуу иштери күз айларында башталып 2022-жылга чейин созулат", - дейт ал.