Дүйнөлүк жаштар туризм саммитине катышууга табыштамалар кабыл алынат

БУУнун дүйнөлүк туризм уюму 12-14 жана 15-18 жаштагы эки активдүү жаш катышуучуну Дүйнөлүк жаштар туризм саммитине катышууга чакырат (GYTS).

Маалыматка ылайык, GYTS саммит 2021-жылдын 17-21-июль күндөрү Италиянын Жиффони Валле Пиана шаарында башталат.

GYTS саммит бул эл аралык иш-чараларды өткөрүү үчүн глобалдуу аянтча, анда балдар жана жаштар 2030-жылга чейинки туруктуу өнүгүү жана 17 туруктуу өнүгүү максаттары (ТӨМ) жаатындагы БУУнун күн тартибиндеги глобалдык контекстинде туруктуу туризмдин келечектеги өнүгүүсү боюнча новатордук идеяларын, концепцияларын жана сунуштарын иштеп чыгуу, бөлүшүү жана талкуулоо мүмкүнчүлүгүнө ээ болушат.

Талапкерлерге коюлуучу талаптар:

• 12-14 же 15-18 жаш;

• англис тилин билүү;

• туруктуу туризмди өнүктүрүүдө өзгөчө кызыгуу көрсөткөн тажрыйбасы бар талапкерлерден табыштамалар кабыл алынат;

Катышуу үчүн табыштамаларды 2021-жылдын 19-апрелине чейин sharshenbekova93@mail.ru электрондук дарегине жөнөтүү керек.

Эгерде дүйнөдөгү санитардык-эпидемиологиялык кырдаал мүмкүнчүлүк берсе, катышуучулар иш-чарага жеке өзү катышып, башка мамлекеттердеги курдаштар, саясий лидерлер, спорт, кино жана музыка жылдыздары менен таанышуу жана өз ара аракеттенүү мүмкүнчүлүгүн алышы пландашылууда.

Оффлайн режиминде иш-чара өткөрүлгөн учурда уюштуруучулар катышуучулардын меймандостугуна кеткен чыгымдарды (жатакана, тамак-аш, иш-чаранын материалдары ж.б.) көтөрүшөт. Жол чыгымдарын (визаны кошкондо) катышуучулар өздөрү көтөрүшөт.