Ошто үч окуучудан коронавирус аныкталды. Окуучулар карантинге алынды

Ошто үч окуучудан коронавирус аныкталып, алар окуган класстар карантинге жабылды. Бул тууралуу SUPER.KG порталы шаардык саламаттыкты сактоо координатору Кыялбек Ташболотовго кайрылганыбызда билдирди.

"Коронавирус жуктуруп алган үч окуучу тең бир үй-бүлөдөн. Атасы Бишкектен жуктуруп, Ошко келгенден кийин үй-бүлөсүнө жуккан. Анын эки баласы Жетиген мектеп-лицейинде, бирөө Олимп гимназиясында билим алышат. Бүгүнкү күндө окуучулар окуган класстар мугалимдер менен бирге карантинге жабылды", - деди Ташболотов.