Ак Үйдүн алдында Ысык-Көлдө казино ачуу демилгесине каршы митинг өтүүдө

Ак Үйдүн алдында Ысык-Көлдө казино ачуу демилгесине каршы нааразычылык акциясы өтүүдө.

Митингдин катышуучулары "көз жашка чыланган акча, кумар оюну эч кимге жөлөк боло албайт", "ыйык айда ыплас мыйзамга бөгөт" деген жазуусу бар плакаттарды кармап алышкан.

Буга чейин Жогорку Кеңештин депутаттары Дастанбек Жумабеков жана Бактыбек Турусбеков Ысык-Көлгө туристтик оюн-зоок комплексин камтыган адистештирилген административдик район куруу боюнча мыйзам долбоорун иштеп чыгышкан. Ага ылайык, эгер мыйзам долбоору кабыл алынса, облустун аймагына чет жактан келген туристтер үчүн казино курууга уруксат берилет. Бул өлкөнүн экономикалык мүмкүнчүлүктөрүн кеңейтүү менен бирге туризм тармагын өнүктүрүүгө салым кошору белгиленген.