Пригородное айылындагы нааразычылыкка чыккан аялдарга Улуттук банктын өкүлү барды

Пригородное айылындагы нааразычылыкка чыккан аялдарга Улуттук банктын өкүлү Мирлан Матмусаев барды.

"Биз Улуттук банк бул жерге чогулуп жаткан элдин көйгөйүн укканбыз. Бул эжелерге түшүндүрүү иштерин жүргүзгөнбүз. Жеке компаниялардан алгандар да көп болгондуктан, биз алар менен сүйлөшүп, атайын аянтча түзүп берүү үчүн чараларды көрүүдөбүз. Жеке банктар болгону үчүн ар бири менен жеке сүйлөшүүгө туура келет, юридикалык жактан болсо дагы жардам көрсөтөлү деп аракет кылып жатабыз",- деп билдирди Матмусаев.

Сыртта тургандар тарай башташты. Ичиндегилер менен жетекчилик сүйлөшүү иштерин жүргүзүп жатышат.

ӨКМ, милиция кызматкерлеринин айтымында, ичиндеги аялдарды качан алып чыгаары белгисиз.

"Сүйлөшүп бүтүп бизге буйрук берсе эле алып чыгабыз" деп билдиришти укук коргоо органдарынан.