"Башында эле уу коргошунду колдонбогондуктан, көп бейтаптарды өлтүрүп алдык" дейт министр

Саламаттыкты сактоо министри Алымкадыр Бейшеналиев уу коргошунду кантип колдонуу керектигин жана дозасы боюнча күндө президент Садыр Жапаровдон сурап жатат. Бул тууралуу ал жыйын учурунда билдирди.

"Коронавирус оорусу жаңы башталганда баарын эксперимент кылып, антибиотиктерди, аркы-беркини бейтаптарга берип атып көп кишилерди өлтүрүп алдык. Ошондо эле Садыр Нургожоевич айткан, анда мен жөн эле дарыгер болчумун, коркуп, кооптондум. Азыр министр болуп керт башым менен жооп берем деп кызыл аймактагылар менен жолугуп, үйрөтүп, кеңешип бере баштадык. Мунун дозасын жакшылап санашыбыз керек. Мен күнүгө президенттен сурап жатам, сиз дозасын тактап бериңиз деп", - деди Бейшеналиев.