Гуля Алмамбетова: "№1203 шайлоо тилкесинде кармалган фит унаасынын дагы тагдырын билгенге бир топ аракет кылам"

Кыргызстандын элдик-демократиялык партиясы Бишкек шаардык кеңешине шайлоодо жарыштан четтетилгени боюнча бүгүн, 19-апрелде маалымат жыйын беришүүдө. Анда партия мүчөсү Гуля Алманбетова мыйзам түрүндө күрөшөрүн билдирди.

"Партияга абдан чоң ишеним болгон. Чечимди расмий түрдө бизге эч ким берген жок. Аны бергенде дагы биз мыйзам түрүндө күрөшөбүз. Анткени бул бузукулардын дагы бир түрү болуп жатат. 15 миң киши бул оңой сан эмес. 15 миң киши бул шаар тургундарынын дагы бир ишеними болгон, ишеним берүү, добуш берүү алардын конституциялык укугу. Ошондуктан биринчиден биз добуш берген жарандарыбыздын укуктарын коргоого даярбыз. №1203 шайлоо тилкесинде кармалган фит унаасынын дагы тагдырын билгенге бир топ аракет кылам", - деди Алманбетова.