Камчыбек Ташиев: "Суунун астындагы 4 миң 400 гектар жер аларга берилди"

Бүгүн, 19-апрелде Улуттук коопсуздук боюнча мамлекеттик комитетинин төрагасы Камчыбек Ташиев Кара-Суу районунун Савай айылынын жашоочулары менен чек ара маселеси боюнча жолугушуу өткөрүүдө.

Жолугушууга катышкан тургундардынбири Ташиевге "Өзбек тарап эгер ушул жерден 50 гектар же 10 гектар алганда деле Кемпир-Абад суу сактагычын толук түрдө контролдой турган болсо азыр сиздердин мезгилде 10-20 жыл тегереги тосулбайттыр. Келечекте Манаста айтылгандай чөл айланып көл болот, көл айланып чөл болот дейт 50 жылдан кийин чөл болгондо тегерегин тоскондо Өзбекстандын чек арасы Өзгөнгө чейин жетип келбейт деп ким кепилдик берет?", - деген суроо узатты.

Анда ал суунун тегереги тосулбаш үчүн келишим түзүлүп жаткандыгын билдирди.

"4 миң 400 гектар суунун астындагы жерди биз буларга бердик. Буга биз 5 миң 100 гектарды алып койдук. Биз аларды жөн эле берип койгон жокпуз. Алмашуу жолу менен жер алдык. Ошонун 4 миң 100 гектар жери мындан 50 жыл алдын бизге берилиптир. Алар тосуп алса кандай кылабыз деп жатасыңар тоспош үчүн мамлекеттер аралык келишим түзүп жатабыз. Келишим ратификациянын ичине кирет. Булар ошол суунун тегерегине 4 миң 400 гектар жерди тоспойт деп келишим түзүп жатабыз", - деди Ташиев.