Садыр Жапаров Түркмөнстандын президентине атасынын каза болгонуна байланыштуу көңүл айтты

Президент Садыр Жапаров Түркмөнстандын президенти Гурбангулы Бердымухамедовго атасынын каза болгонуна байланыштуу көңүл айтты. Бул тууралуу президенттик аппараттын басма сөз кызматынан билдиришти.

"Атаңыз Мяликгулы Бердымухамедовичтин дүйнөдөн мезгилсиз кайткандыгы тууралуу суук кабарды кайгыруу менен кабыл алдым. Кыргыз элинин жана жеке өзүмдүн атымдан сизге жана боордош Түркмөнстан элине көңүл айтуу менен орду толгус жоготуу азасын тең бөлүшөм", - деп айтылат мамлекет башчысынын кайрылуусунда.