Президенттик аппараттын жетекчисинин орун басары мамлекет башчынын жарлыктарынын аткарылышынын жүрүшүнөн кабар алды

Президенттик аппараттын жетекчисинин биринчи орун басары Медербек Сатыев өлкөнүн бир катар жергиликтүү өз алдынча башкаруу органдарынын иши менен таанышып келди. Бул тууралуу президенттик аппараттын басма сөз кызматынан билдиришти.

Анда ал мамлекет башчысынын жарлыктарын ишке ашыруунун жүрүшүнөн кабар алды.

Иш сапардын жүрүшүндө аймакты өнүктүрүү алкагында жер-жерлердеги ишкерчиликти колдоо, инвестиция тартуу багытындагы иш-аракеттер, аз камсыз болгон үй-бүлөлөргө көмөк көрсөтүү, дыйкандарды сугат суу менен камсыздоо, сел жана жер көчкүлөрдү алдын алуу жана башка социалдык-экономикалык маселелерге көңүл бурулду.

Мындан сырткары, жергиликтүү тургундардын билим берүү, жол, жайыт, турак жай курууга жер тилкелерин трансформациялоо маселелеринин чечилишинин зарылдыгы белгиленди.