"Бул күндөр бирге баспай, шашылдың неге мынча, Элмирбек булбулум ай". Акын Жеңишбек Жумакадыр Элмирбек Иманалиевди эскерди

Мындан 1 жыл мурун, 20-апрелде акындардын алды болгон, азыркынын Токтогулу аталган Элмирбек Иманалиев кырчындай 42 жашында жарык дүйнө менен кош айтышкан. Кыргыз-казак элинин эрмеги, эркеси болгон акынды эки элдин эли бирдей жоктоп, каңырыгы түтөгөн. Интернет колдонуучулар акынды эскерип, айрымдары бүтүндөй кыргыз элинде аза күтүү күнү жарыяланышы керек деген да сунуштарын айтышкан.

Арадан 1 жыл өтүп акын замандашы Жеңишбек Жумакадыр Элмирбек Иманалиевди эскерип "Булбулум" ырынын обонуна салып досун жоктогон, эскерген ырын социалдык тармактагы баракчасына жарыялады. Аталган ырда Жеңишбек Жумакадыр досуна болгон кусасын, сагынычын, анын жарык дүйнө менен эрте кош айтышып кеткенине өкүнүчүн жазган.