"Коммунисттер" партиясынын өкүлү: "Жакында өткөн шайлоонун жыйынтыгын жокко чыгарууну талап кылабыз"

"Ата Журт Кыргызстан" партиясынын шаардык жана жергиликтүү кеңештерге шайлоого катышууга укугу жок болчу" аталышындагы маалымат жыйыны өтүүдө.

Жыйынга шаардык кеңешке шайлоого аттанган 8 партиянын өкүлдөрү катышууда.

"8 партиянын өкүлдөрү шайлоо таза өткөн жок деп эсептеп, БШКга, президентке нааразычылык кайрылуубузду жөнөткөнбүз. Шайлоодогу мыйзам бузууларды айтып, чара көрүүнү талап кылып БШКнын алдында ачкачылык жарыяладык.

КЭДП партиясы добуш сатып алууга шектелип шайлоодон четтетилди. Эгерде КЭДП добуш сатып алган болсо, анда башка партиялар тууралуу эмнелерди айтабыз? Базаркомдордун, коррупционерлердин партиясы алардан өтүп акча таратышты. Ошондуктан биз жакында өткөн шайлоонун жыйынтыгын жокко чыгарууну талап кылабыз. Бул талап менен биз бардык тарапташтарыбыз, партиялаштарыбыз менен биргеликте нааразычылык акциясына чыгабыз", - деди "Кыргызстан Коммунисттер" партиясынын өкүлү Амантур Манапбаев.