Бизнесмендерди коркутуп, акча талап кылган деген шек менен уюшкан кылмыштуу топтун мүчөсү кармалды

ИИМдин региондор аралык бөлүмү тарабынан бизнесмендерди коркутуп, акча талап кылуу менен алектенип жүргөн топтун ишмердүүлүгүнө бөгөт коюлду. Бул тууралуу ИИМдин басма сөз кызматынан билдиришти.

"Ушул жылдын башында Жалал-Абад шаарында 3 адам 29 жаштагы ишкерди күч менен унаага салып кетип, эл жок жерде ур-соккуга алып, акча талап кылышкан. Бул факты иликтөөгө алынып, 16-апрель күнү Жалал-Абад шаарындагы кичи райондордун биринен уюшкан кылмыштуу топтун мүчөлөрүнүн бири 1992-жылы туулган А.З. кармалды.

Учурда кылмыштуу топтун башка мүчөлөрүн кармоо боюнча иш-чаралар жүргүзүлүп жатат", - деп жазылган маалыматта.