"0.77 сомдук тариф дүйнөдө жок". Энергетика министри электр энергиясына болгон тарифти коңшу өлкөлөр менен салыштырды

Бүгүн, 22-апрелде энергетика тармагын реформалоо маселелери жана электр энергиясына сунушталган жаңы тариф боюнча энергетика жана өнөр жай министри Кубанычбек Турдубаев маалымат жыйын берүүдө.

Анда министр өлкөдө электр энергиясына болгон 0.77 сомдук тариф дүйнө жүзүндө жок экендигин айтты.

"0.77 сомдук тариф дүйнөдө жок. Казакстанда дагы, Өзбекстанда дагы электр энергиясына болгон баа жогору. Ал эми Тажикстанда электр энергиясына болгон баа аябай эле жогору. Биз бир нерсени өзгөртпөй, эч нерсе болбогондой, мурункудай эле жашай берсек оор акыбалга келебиз", - деди Турдубаев.

Эске салсак, кечээ, 20-апрелде өлкө башчы Садыр Жапаров электр энергиясына болгон жаңы бааны сунуштаган. Анын сунушу көпчүлүк интернет колдонуучулары тарабынан талкууга алынып, нааразычылык жараткан.