Чүйдө 46 жаштагы жаран жарым айдан бери дайынсыз болуп изделүүдө

Чүй облусунда 1975-жылы туулган Руслан Сыдыков аттуу жаран дайынсыз болуп изделүүдө. Бул тууралуу облустук милициядан кабарлашты.

Маалыматка ылайык, ал 8-апрель күнү Аламүдүн районунун Лениское айылындагы Садовая көчөсүндө жайгашкан үйүнөн чыгып кеткен бойдон кайтып келген эмес.

Белгилери: бою 165-170 сантиметр, арык чырай, чачы кара, аксап басат.

Кийген кийими: кара түстөгү күрмө, кара түстөгү классикалык шым, күрөң түстөгү бут кийим.

Алынган маалыматтар боюнча, жоголгон жаранды бир нече күн мурун "Ош базарынын" аймагынан көргөндөр болгон.

Милиция сүрөттөгү жаранды көргөн, билгендер болсо төмөнкү номерлерге кабарлап коюуңуздарды өтүнөт: (0312) 43-01-27, (0312) 43-88-85, (0312) 36-35-27, (0312) 36-35-23,0709 21-18-08,0550 34-33-63 0778 00-09-99