Бишкекте"Эко-Баштык" фестивалы өтөт

Бишкектеги Гапар Айтиев атындагы Улуттук көркөм-сүрөт музейинде 28-октябрда "Эко-Баштык" аттуу фестиваль өтөт. Бул тууралуу фестивалдын уюштуруучулары "Таалим-Форум"  жана   "Capacity Building"  коомдук уюмдары билдирди. Иш-чаранын максаты   -коомчулуктун көңүлүн  экологиялык маселелерге  бурдуруу. Фестивалда студент-дизайнерлердин экологиялык жактан таза баштыктарынын көргөзмөсү, экологиялык темаларга байланыштуу тасмалар жана башкалар тартууланат. Керектен чыккан буюмдардан жана  кагаздан баштык жасоо боюнча мастер-класс өткөрүлөт.