"Эс алып жаткан" деп ишинен бошотулган Нурболот Үсөнбаев жаңы кызматка дайындалды

Саламаттыкты сактоо жана социалдык өнүктүрүү министринин мурдагы орун басары Нурболот Үсөнбаев жаңы кызматка дайындалды. Ал буга чейин ээлеген кызматынан "иштебей койду" деген жүйө менен бошотулганы маалым болгон.

Белгилүү болгондой, Нурболот Үсөнбаев Республикалык карантиндик жана өзгөчө коркунучтуу, жугуштуу оорулар борборунун жетекчисинин орун басары болуп дайындалды. Маалыматты Саламаттыкты сактоо жана социалдык өнүктүрүү министрлигинин басма сөз кызматынан тастыкташты.

Эскерте кетсек, саламаттыкты сактоо министринин орун басарлары Мадамин Каратаев менен Нурболот Үсөнбаев ээлеген кызматынан бошотулган. Алардын ордуна Улук-Бек Бектурганов жана Жалалидин Рахматуллаев дайындалганы маалымдаган.

Кийинчерээк Мадамин Каратаев Улуттук фтизиатрия борборуна директор болуп дайындалган.