"Балык уулайм деп түшүп кеткен". Нарында 3 айдан бери изделип жаткан 28 жаштагы эркек кишинин жансыз денеси табылды

Нарында сууга чөгүп, 3 айдан бери табылбай жаткан 28 жаштагы эркек кишинин жансыз денеси табылып, туугандарына өткөрүлүп берилди. Куткаруучулардын нөөмөт бөлүмүнө 26-апрелде билдирүү келип түшкөн. Анда белгисиз адамдын жансыз денеси жаткандыгы тууралуу кабарланган дешти ӨКМнын басма сөз кызматынан.

Издөө иштерине Ак-Талаа райондук өзгөчө кырдаалдар бөлүмүнөн 6 куткаруучу тартылып, сууга агып кеткен 1993-жылы туулган М.у.С. аттуу жарандын жансыз денесин Ала-Буга дарыясынан алып чыгышты.

Эскерте кетсек, Баетов айылынын тургуну 2020-жылдын 27-декабрында Ала-Буга дарыясына балык кармоо учурунда сууга түшүп кеткен. ӨКМнын Нарын облусу боюнча башкармалыгы 2020-жылдын 27-декабрынан 2021-жылдын 6-январына чейин Ала-Буга жана Нарын дарыяларынын агымын жээктеп, болжол 10-11 чакырым аралыгын 10-15 куткаруучу издөө иштерине тартылган. Ошондой эле дарыянын нугун бурууга 1 даана эксковатор тартылган.

Абанын температурасынын кескин төмөндөгөнүнө байланыштуу издөө иштери тоң кеткенге чейин убактылуу токтотулган.

Издөө иштери 17-мартынан 20-мартына чейин жүргүзүлүп, Ак-Талаа райондук өзгөчө кырдаалдар бөлүмүнөн 6 куткаруучу издешип, дайынсыз болуп жаткан жаран табылган эмес.