Электр энергиясына болгон баа качан, кантип өзгөрүшү мүмкүн? Тиешелүү мекеменин жообу

1) Бийик тоолуу шарттарда жашаган керектөөчүлөр үчүн:
- 700 жана 1000 кВт көлөмүндөгү нормаларын алып салуу;
- 1 сом 04 тыйын деңгээлинде бирдиктүү тарифти киргизүү.
(ГЭСтерде өндүрүлгөн электр энергиянын өздүк наркына, кошумча
жеткирип берүү жана бөлүштүрүү үчүн кеткен чыгашаларды эсепке алганда келип чыгат).
2) башка бардык керектөөчүлөр үчүн болгон 700 кВт норманы дагы алып салуу каралат. Ошол эле учурда 2020-жылдын өздүк наркы деңгелинде 1,48 сом/кВт тариф сунуш кылынат.
Үнөмдөө максатында күз-кыш мезгилинде 1000 кВт турган убактылуу норманы колдонуу. Андан жогору керектөө болгон учурда тариф 2 сом 29 тыйынды түзөт. 2,29=(2,16+6,3% инфляция).

3) Жөлөк пул алышкан муктаж жарандар үчүн Саламаттыкты сактоо жана социалдык өнүктүрүү министрлигинин тизмесине ылайык, 74 тыйын өлчөмүндө тарифти колдонуу сунуш кылынат. Ошону менен бирге керектөө нормасы жок.

Насостук станциялар үчүн:
Насостук станциялар жана скважиналар үчүн электр энергиясына болгон тарифти 1,48 сом/кВт деңгээлинде белгилөө сунуш кылынат. Социалдык маанисин эске алып, калк деңгээлинде сунушталат.

Электр унаасы үчүн:

Шаардык электр унаасы үчүн электр энергиясына болгон тарифти 1,68 сом/кВт өлчөмүндө белгилөө сунуш кылынат. 1.68 = (1.58+6.3% инфляция).

Интернат тибиндеги балдар мекемелери, социалдык мекемелер үчүн:

Интернат тибиндеги балдар мекемелери, социалдык мекемелерге электр энергиясына болгон тарифти 1,68 сом/кВт өлчөмүндө белгилөө сунуш кылынат.

Башка тиричиликтик эмес керектөөчүлөр (өнөр жай, айыл чарбасы,
бюджеттик жана башка керектөөчүлөр) үчүн:
Тиричиликтик эмес керектөөчүлөр үчүн электр энергиясына болгон тарифти 2,38 сом/кВт өлчөмүндө белгилөө сунуш кылынат. 2,38=(2,24+6,3% инфляция).

Энергияны көп талап кылуучу өнөр жайлык керектөөчүлөр (алтын кендери, куюучу цехтер) үчүн:

Энергияны көп талап кылуучу өнөр жайлык керектөөчүлөр үчүн электр энергиясына болгон тариф 4.76 сом кВт сунушталат. 4.76=( ЖЭБдеги нарк + жеткирүү наркы + бөлүштүрүү наркы + НДС + жоготуу).

2020-жылдын жыйынтыгы менен электр энергиясынын өздүк наркы 1.48 сомду түздү =(0.50 иштеп чыгаруу наркы + 0.27 жеткирүү наркы + 0.50 бөлүштүрүү наркы + 0.10 НДС + 0.12 жоготуу).

Бүгүнкү күндө акыркы керектөөчүлөрдөн түшкөн киреше энергетикалык компаниялардын чыгышасын жаппай жатат. 2020-жылы акча каражаттын тартыштыгы 1 208 миллион сомду түздү;

- Жакынкы жылдары энергетикалык компаниялардын насыянын негизги көлөмүн кайтаруу мезгили күтүлүүдө. Карыз милдеттенмелер) 129 миллиард сомду түзөт.

Баардык түшкөн киреше энергетикалык компаниялардын муктаждыгын жабууга жумшалат.

3. Ортомчу компаниялар бөлүштүрүүчү компания болуп эсептелинет. Алар электр энергиясын жогорку чыңалуудан алып, ар бир абонентинин үйүнө чейин жеткирип берүү жумушун аткарат.
Ортомчу компанияларды жоюп салса, Бишкектин жанында жайгашкан жаңы конушта жашаган абоненттер электр энергиясы жок калат.

4. Башка бардык керектөөчүлөр үчүн (бийик тоолуу шарттарда жашаган жана жөлөк пул алышкан муктаж жарандардан сырткары) үнөмдөө максатында күз-кыш мезгилинде 1000 кВт турган убактылуу норманы киргизүү пландалып жатат. Андан жогору керектөө болгон учурда тариф 2 сом 29 тыйын түзөт.